"Grah Laxmi ka Jinn" Serial on ZEE Tv 1994

Kuch purane magar suhane serials ki fehrist (list) me ek bahut hi manoranjak serials ka agar naam dilo-dimaag par aata hai to unme se ye ek serial tha "Grah Laxmi ka Jinn".

Doston ye yaadain mere Jehan (mind) me hai to sahi par thodi dhundhli ho chali hai, Internet par bhi in serials ke baare me bahut kuch khaas jaankari nahi milti par jitna mujhe yaad aata hai utna share karta hu aapke saath.

Grah Laxmi ka Jinn naam se hi yaha 2 alag Characters ka pata chalta hai, ek taraf grah laxmi  hai jiska role adaa (played) kiya hai Rita Bhaduri ji ne jo ki normal ghar-grahsti ki problems me uljhi hui rehti hai. Or gusse me kabhi kabar bhawan se wish maangati hai ki kuch Jaadu ki Chhadi haath lag jaye to saari musibaton se Chuttkara mil jaye.

Grah Laxmi ki yeh fariyaad suni li jaati hai or unke paas bhagwaan ek Jinn bhejta hai jiska role bahut hi khubsurati se nibhaya tha Raj Zutshi ji ne. Ye Jinn inki problems sort out karta tha minutes me, thoda maskhara, thoda shararti or inki hair style thi pony tail us waqt ka naya fashion.

Ye serial ek achi kahani, ache concept, achi adaakari ka hi result tha ki aaj itne saalo baad bhi yaadon ke pitaare me kaid (क़ैद ) hai.
Is serial ke yaad rehne ka to raaz bhi hai, or vo ye ki Ghar me naya "Onida Brand" ka Tv aaya tha, first Tv set or us Tv pe chalne wala yehi vo pehla Tv serial bhi tha jo afternoon hours (Kareeb 1-2 pm) me aaya karta tha.
Or haa, is Onida Tv se hi yaad aaya mujhe is Brand ka vo Ad jisme ek Devil hota hai, thoda Creepy tha but catchy Ad tha or ye is ad ka hi Jaado tha is Brand ka Tv ghar laane ke picche...

Or end me Doston hamesha ki tarah hi aap logo se guzarish hai ki in serial "Grah laxmi ka jinn" se related koi  bhi or kisi bhi tarah ki jaankaari agar aap logo ko ho, chahe vo Images ho ya koi Video ya inse judaa koi kissa, to jaroor share kare ya comment box me jikar (ज़िक्र ) kare.